BECAS PARA CUBRIR NECESIDADES ESPECÍFICAS DE APOIO EDUCATIVO: CURSO 2023-24

Queridas familias:

Para solicitar a beca para alumnado con necesidades específicas de apoio educativo para o curso 2023-24, conforme á Resolución de 20/04/2023 tedes que:

-Cubrir a convocatoria vía web a través da sede electrónica do Ministerio de Educación

https://www.educacionyfp.gob.es/servicios-al-ciudadano/catalogo/general/05/050140/ficha/050140-2023.html

-Presentar no centro eductivo a solicitude cuberta ata o 20 de setembro inclusive.

 

Dentro da solicitude:

-É necesario autorizar á Axencia Estatal de Administración Tributaria (AEAT) para facilitar ós datos económicos ás administracións educativas (folla 1 ou 2 normalmente). 

-Na folla de firma da solicitude, deben asinar todos/as os membros maiores de idade da unidade familiar por parte da nai/pai/titor/a legal (folla 1 ou 2 normalmente).

-Elixir, un gabinete e/ou centro de reeducación pedagóxica ou da linguaxe.

 

Acreditar a seguinte documentación:

-Fotocopias dos DNI das persoas que figuran na solicitude.

-Certificado da conta bancaria na que conste como titular ou cotitular o propio benificiario/a da bolsa.

-Fotocopia que acredite título de familia numerosa (en caso de ser familia numerosa).

-Certificado de discapacidade igual ou superior ó 33% (obrigatorio para persoas con discapacidade).

-Certificado da declaración da renda e certificado de catastro indicando bens inmobles propiedade da unidade familiar.

-Certificado médico expedido polos servizos de saúde sostidos con fondos públicos (obrigatorio para solicitantes con TEA).

-Acreditación de pertenencia a familia monoparental (en su caso). 

 

Por parte do gabinete elixido e ó que acudirá:

-Debe realizarse unha memoria expedida polo centro reeducador na que conste información detallada das características do mesmo, incluíndo número de horas semanais e especialista que o presta, así como o coste mensual como mínimo. Así mesmo pódese incluir obxectivos, actividades e materiais que se empregarán para cubrir as necesidades. Como máximo, pódese considerar, o coste durante os 10 meses do curso escolar.

-Cumprimentar o apartado D (folla 7) da beca.

 

Dende o centro educativo:

-O Departamento de Orientación, en concreto a Orientadora, cubrirá o apartado B (folla 5) da beca e emitirá un informe específico no que se detalle a asistencia educativa e as horas semanais que se consideren necesarias para a súa corrección, así como as prestadas polo colexio, a duración da mesma e as condicións que garantan a súa prestación.

-O centro marcará o tipo de axudas que propón. En concreto cubre o apartado A (folla 3, 4) e envía as mesmas. 

ÍMOS Ó IES: PREGÚNTANOS QUÉ QUERES SABER?

E chegou o cambio,... Toca pasar de 6º de Educación Primaria a 1º de Educación Secundaria Obrigatoria. Que nervios, que incertidume,... Estou segura que só de pensalo dentro de vós se producen moitas sensacións e emocións diferentes. Pero xa veredes, irá todo ben,... 

A actividade voluntaria que vos propoño esta semana consiste en enviar preguntas das dúbidas que teñades destes cambio e que vos repostarán o alumnado, profesorado,... de Secundaria. É importante que antes de escribir as preguntas escoitedes e vexades a presentación que vos preparei, así como tamén algún exemplo de preguntas doutros/as alumnos/as que xa o fixeron. Agardo que participedes.

LEMBRA: Se te animas a participar podes facer unha foto das túas preguntas escritas a man para enviar ó IES, para as cales terás logo unha resposta. Podedes envialas ó correo que aparece arriba á dereita e/ou senon a través do teu titor/a. Como vos sexa máis fácil!

Algúns exemplos de preguntas serían as seguintes:

OCIO: CON QUÉ NOS DIVERTIMOS NESTA ETAPA?

Filósofos como Aristóteles e Platón consideraban o ocio como a meta e ou causa dunha vida feliz. Sen embargo outros dicían que era unha perda de tempo e se asociaba á vagancia. 

Está claro que nestes días o ocio ocupa unha parte importante das nosas vidas, pero que é iso do ocio? Poden ser actividades, hobbies,... que realizas nalgún momento do día e coas cales sentes placer, diversión,...

Hai moitos estudos que demostran que o ocio ten beneficios para a saúde e calidade de vida.
Así hai xente que disfruta tocando un instrumento musical, escribindo, lendo, xogando a xogos de mesa, con videoxogos, facendo fotos,...Hai milleiros de actividades posibles coas cales divertirse e disfrutar.

E ti, con qué o pasas ben? Pensáchelo!

Nesta actividade voluntaria convídote a pensar naquilo co que te divirtes e disfrutas plenamente. Para elo deberás empregar un folio e debuxar todas elas con todo detalle. A continuación contas cunha audiodescrición da mesma e algúns exemplos.
E pensa que...o xogo é un dereito de todos os nenos e nenas. E para a túa familia, ensínalle esta viñeta que seguro que a entenderán...

LEMBRA: Se te animas a participar podes facer unha foto do teu debuxo e logo enviala ó correo que aparece arriba á dereita e/ou senon a través do teu titor/a. Como vos sexa máis fácil!

BOTECIÑOS CON MENSAXES SORPRESA

É importante que enviemos mensaxes ás persoas que non podemos ver, extrañamos e/ou son importantes nas nosas vidas. Poden ser familiares, amigos/as, mestres/as,... Non vos pasou nestes días que nalgún momento do día vos lembrastes dalguén que vos apetecía ver pero que polas circunstancias non podedes? Ou mesmo acordarvos de cousas que podíandes facer en compañía desa persoa/s? Para elo a actividade voluntaria que vos propoño, consiste en buscar por casa algún bote de cristal ou doutro material, algunha caixiña ou mesmo contruír sobres con papel, o que vexames máis apropiado. Logo deberás pór por fóra para quen será ese boteciño, caixiña, sobre,...e dentro irás metendo mensaxes e/ou palabras que che gustaría dicirlle a esa persona para que logo cando exista a posibilidade de atoparte con ela, darllo.

LEMBRA: Se te animas a participar podes facer unha fotos do teu boteciño, caixiña, sobre,...(pero nunca das mensaxes que van no interior porque iso é privado) e logo enviala ó correo que aparece arriba á dereita e/ou senon a través do teu titor/a. Como vos sexa máis fácil!

E na seguinte imaxe interactiva tedes unha audiodescrición e un exemplo de cómo podedes facer. E lembrade,...o máis valioso na vida non é o que temos senon a quen temos.

O ACOSO ESCOLAR E O CIBERACOSO: DESEÑA O TEU CARTEL!

Este 2 de maio será o Día Internacional Contra o Bullying ou o Acoso Escola. É importante saber qué significa e a importancia deste día para concienciar sobre o risco do acoso escolar e dos métodos posibles para evitalo.
O que propoño é que escoites a presentación preparada con audioexplicación e logo que vexas algún vídeo dentro do symbaloo relacionado co acoso e ciberacoso para pasar a acción.

A actividade voluntaria que deberás facer, será deseñar un cartel en contra do acoso escolar e ciberacoso. Serás quen de parar isto? Para elo tes que pensar nun eslogan (frase breve e fácil de lembrar) que irá en letras grandes e logo terás que pór as formas de combater o acoso escolar. Abaixo tes algúns audiocarteis que idearon xa algúns alumnos/as no seu momento.

E pensa sempre en...comprensión e respecto, iso é o importante para convivir cos demais, e sobre todo, sabes qué? non crer que un é mellor ningún (viñeta de Quino).

LEMBRA: Se te animas a participar podes enviar fotos do teu cartel contra o acoso escolar e ciberacoso ó correo que aparece arriba á dereita e/ou senon a través do teu titor/a. Como vos sexa máis fácil!

Podes ver e escoitar esta presentación onde explico que é iso do acoso escolar e ciberacoso?

Tamén localicei algunhas curtametraxes, películas, cancións, guías,... que poden axudar a que entendamos mellor que pasa cando se sofre acoso escolar e/ou ciberacoso*.

*Importante: Para empregar este symbaloo debes ter en conta este código de cores que indica para quen está destinado.

E a continuación tes algúns audiocarteis contra o acoso escolar que poderán darche ideas para o deseño do teu propio....serás quen de facelo? E xa sabes, TOLERANCIA 0 ANTE O ACOSO ESCOLAR E CIBERACOSO.

QUE PODEMOS FACER PARA MELLORAR O MUNDO?

Seguro que algunha vez se che ocorreu algunha idea para que o mundo fose mellor.

O día 22 de abril é un día importante no que se festexa o día Internacional da Nai Terra pero este día deberían ser todos, non cres?

Como sabedes a Terra nos pide sempre axuda. Os incendios, a contaminación, as especies invasoras, unha pandemia,...

Os cambios que se producen no medio natural fan que a Terra nos envíe sinais de axuda. De nós depende o futuro. Estás disposto/a a melloralo? Pensa, estamos realmente coidando o planeta Terra?

A actividade voluntaria proposta consiste en facer un debuxo con texto onde poñades ideas para mellorar o mundo. Cantas máis propoñades máis posibles solucións estaredes intetando atopar para o futuro. 

E pensa que...a Terra ten música para quen a sabe escoitar.

LEMBRA: Se te animas a participar podes enviar fotos dos teu debuxo coas ideas que se che ocorran para mellorar o mundo ó correo que aparece arriba á dereita e/ou senon a través do teu titor/a. Como vos sexa máis fácil! No vídeo van algunhas ideas...

EXPRESA O QUE SENTES CON DEBUXOS: AUDIOLIBRO EMOCIONARIO

En calquera momento podemos sentir alegría, medo, tristura, felicidade,...Pero sabemos realmente o qué significan estas emocións? qué pasa cando nos sentimos así? Nesta actividade voluntaria podedes escoitar en qué consiste algunha desas e outras emocións e logo se vos animades, en familia ou sós podedes facer un debuxo como os que aparecen do que é para ti esa emoción. Estás preparado/a...E lembra,... as emocións son os motores cos que nos movemos así que intenta entendelas.

É importante dicir que os audios proceden da lectura do libro Emocionario escrito por Cristina Núñez. E para saber máis, aquí tedes un enlace ós seus materiais Libro emocionario e fichas de actividades gratuitas.
Aclarar que para os máis pequenos será mellor empregar outro tipo de libros como o Monstro de cores escrito por Anna Llenas. Aquí tedes un enlace de interese para escoitar o Libro contado do Monstro de cores.

LEMBRA: Se te animas a participar podes enviar fotos dos teus debuxos de cada unha das emocións ó correo que aparece arriba á dereita e/ou senon a través do teu titor/a. Como vos sexa máis fácil!